Die Mordgeschichte von 1989
De ahl Weiwermehl
Etz läft se wirre es ahle Mehlche mit vill Schwung
un sämtliche ahle Weiwer wern wirre jung.
De Hannes ruft mei Ahl is ranzig
bitte mecht se mer wirre zu zwanzig.
Für de Kirmes wolle mer se nochemol in Bewegung setze
dreht se langsam un nur net hetze.
Nur de Heiner will naut mi vom Imtausch wisse
mei Ahl hot masch es letzte mol in Hinnern gebisse.
Un weil mei so jung wor un kurze Röckche det kaafe
misste mer hinnerher nochemal daafe.
Mei Ahl soll ahl bleiwe, des is mer liwwer so
denn de junge Weiwer strenge masch zu vill ooh.
Aach de Gustav mant de junge Marerche sei jo ganz schie
ower asch schaffe es ahnfach netmie.
De junge Marerche aus dem Mehlche wern für us Ahle zuvill
se bleiwe liwwer beim hergebrachte wies Schicksal es will.
Su wird üwwer us Mehlche vill un lang diskudejert
bis jeder es ahnmol hot ausprobejert.
Vill Spaß hot es Mehlche schu den Scheldern gebrocht
un mancher hot sich gefreut un herzlich gelacht.
Drum solang de Schelder Kirmes besteht
wird uhser Ahl-Weiwermehl weiter gedreht.